Antonio (Tone) Colli

Antonio (Tone) Colli à studià scultura a Viena y pitura a Minca. Pervia de si retrac psicologics univel nce tlamà l tuadëur dl’ana cun l penel. Si chedri ie caraterisei da n stil scialdi persunel y ndependënt y da n'adurvanza particulera di culëures. L'armunia mujela y cromatica de si pitures a uele lecorda la tecnica a pastel. Ispirà dal mpresionism franzëus devënta si peneleda cun l passé di ani for plu pastëusa. Mé che cun chësta maniera de depënjer moderna ne fovel nia for bon de tuché l gusto dl publich critich dl mond dl'ert, purempò toca Colli nchin ncueicundì pra i reprejentanc plu mpurtanc dla pitura tiroleja dla prima pert dl vintejim secul.