Śepl Moroder da Jumbierch
Śepl Moroder da Jumbierch (Josef Moroder Lusenberg) vën cunscidrà l moler plu mpurtant dla Ladinia. Bera Śepl stajova sun l luech da Jumbierch a Urtijëi ma tl 1876 iel jit a studië tl’Academia de Minca, ulache l à mparà da Carl Piloty y Ludwig von Löfftz. Dal 1880 al 1884 iel stat sculé dl moler Franz Defregger, n sustenidëur dl storizism y dla pitura de genre. Śepl Moroder à depënt truep chedri a uele, mé che la majera pert de chësta pitures ie unides vendudes y perdudes ora per l mond . L à nce fat acuarei y schizes te de pitli libri che l purtova cun sé y ulache l nutova su avenimënc y pensieres. Moroder usservova avisa la natura, la cuntreda da paur, la jënt y la vita de paesc. Sun autere tla dlieja de S. Durich a Urtijëi possen amiré na si pitura di trëi rëiesc n adorazion al Bambin Gejù. Tla medema dlieja iel nce scultures che bera Śepl ova depënt. Tla dlieja de S. Antone a Urtijëi iel ënghe metù ora n valguna pitures de Śepl Moroder da Jumbierch.
