Simon Perathoner
Simon Perathoner ie de Gherdëina y se dà ju cun l'ert, la fotografia y l design. Si tueda artistica se svilupea tl espluré dla metoda danter ert y scienza. Dantaldut studieiel la metarujenedes, la metafotografies y i metadac n colijion y/o n cunversazion danter ëiles, lauran sun l trinom codifiché/decodifiché/recodifiché, fal/perfezion/nterferënza, analogich/digitel/simbiosa, dac/memoria/capienza... azentan y analisan nce la manieres de (re)prejentazion. Do avëi fat la Scola d’ert a Urtijëi al studià pra l pruf. Manuel Frara tl’Academia a Unieja. Da dedò al stlut ju n stude de fotografia pra la pruf. Gabriele Rothemann sun la Angewandte a Viena. L à fat pea pra truepa mostres coletives p. ej. pra la Trienala Ladina tl Museum Ladin (2016) o pra la Biennale Gherdëina (2018). Te si curriculum prejëntel nce truepa mostres persuneles danter l auter la mostra Glitch and data tla Lia Mostra d’Ert (2019) o la mostra Black Box tla galaria 00A a Maran (2018). Simon Perathoner ie nce stat presidënt dla Lia Mostra d’Ert - Circolo tl 2015 y 2016.
