Aurelia Moroder Langer

Aurelia Moroder Langer de Urtijëi fova n’artista cunesciuda ajache la depenjova fotografies y ueves da Pasca. Da si pere Josef Moroder da Jumbierch ala mparà a depënjer y a dessenië. La à pona scumencià a depënjer cuiertli de scatules, ueves da Pasca y da marideda la fotografies de si uem fotograf. Chësta fotos depenjovela cun na tecnica speziela cun culëures y penzin. Si uem Stefan Langer che ie nasciù a Biala tla Slesia fova unit te Gherdëina a fé auteresc, ma à pona scumencià a lauré coche fotograf. Do che si uem ie mort tl 1946 à Aurelia menà inant, deberieda cun si doi mutans, l atelier y la butëiga Foto Langer a Urtijëi.