Manuel Riz
Diplomà tl ziplé pra l’Accademia di Belle Arti de Brera (Milan) cun na nrescida n cont dl’evoluzion dl carnescià te Fascia al cunlaurà tla sënta dla RAI de Bulsan coche prugramist y regist. Tla mostres persuneles analiseiel l'usanzes y la tradizions dla sozietà de al didancuei cun performances che mostra su la contradizions dla jënt da mont y l turboturism dolomitich. Danter l auter iel da numiné: Dolomites Shop - Lia mostra d’Ert - Circolo, Urtijëi (2016) y Unterl@ndia - Kunstforum Unterland, Egna (2019). Danter i recunescimënc plu mpurtanc al pudù pië do l 3° pest pra la XXVII Biennale Internazionale dell’Umorismo nell’Arte di Tolentino (Mc); l ie nce unì cris ora per la Trienala Ladina tl Museum Ladin a San Martin de Tor tla Val Badia y l ie stat un di finalisć dl Premio Arte 2013 tl Palaz dla Permanente de Milan. Deberieda cun l artist Claus Soraperra mëinel la Frida Street Gallery a Cianacëi, na luegia de ancunteda y cunfront che à la finalità de ti dé mpulsc ala jënt da tlo tres la cultura y l'ert. Daujin al’atività artistica iel dal 2001 incà caricaturist dla zaita La Usc di Ladins. Tl 2014 al giapà per l liber Scedola Patofies la Menzione Speciale Premio Gran Guinigi pra l festival Lucca Comics & Games.
