Liceo Artistico Cortina

L Lizeum artistich ie nasciù ora dl Istitut d’ert che fova unì metù su tl 1846. Pervia dla reforma dla scola naziunela tl ann scolastich 2010/2011 ie l Istitut d’ert unì trasfurmà te n Lizeum artistich. L Lizeum pieta coche sezions de spezialisazion l design y l aredamënt. Tl plan di studies iel doi aspec mpurtanc: la fundamënta umanistica-scientifica y chëla artistica. L plan de stude vëija dant che i studënc se debe ju cun l‘ert dl lën, cun la mubilia y la proietazion, ma che i ebe nce cunescënzes dl patrimone culturel y tecnich dl’ert visiva.