Franz Angelo Rottonara

Do avëi fat la scora de dessëgn de Urtijëi, á Franz Angelo Rottonara studié dal maester Carl Theodor von Piloty tl’Akademie der Bildenden Künste a München. Dedô él sté scolar de Ferdinand Laufberger tla Hochschule für Angewandte Kunst da Viena. A Corvara, so paisc nadé, y tla valada ál lauré sciöche depenjadú de fassades (Albergo Croce Bianca a San Linert) y sciöche retratist. A Viena s’ál spezialisé tl’esecuziun de depënc decoratifs y scenografies, lauran daimpröma sciöche scëmpl colaboradú y spo dal 1890 sciöche soze de Johann Kautsky, depenjadú dl teater de curt. La botëga Kautsky’s Söhne & Rottonara realisâ scenars por teatri de döta Europa y dl’America. Tl 1897 él gnü nominé dal imparadú todësch fornidú ofizial dla Curt reala dla Prussia. Al é mort a Viena tl 1938.