Zerilo Dell'Antonio Bora

Zerilo Dell’Antonio Bora ie stat n scultëur, n maester y l criova munëides. L à mparà l’ert dl ziplé tl lën te Gherdëina, tla berstotes de gran maestri coche Josef Moroder Lusenberg. Si lëures ie unic premiei y si rezenscion auta l à purtà ala stiera da diretëur dla Kunstgewerbliche Fachschule Holzschnitzschule von Bruce-Stiftung a Bad Warmbrunn, al didancuei Cieplice tla Polonia, che tl 1937 ie deventeda la prima Scola da moster tl raion tudësch. Dell’Antonio à fat pea pra la mostra mundiela a Paris l ann 1925 y pra d’autra mostres nternaziuneles a Roma y a S. Louis. L à realisà cumiscions privates y religëuses, gran opres per auteresc coche nce n valgun lëures per la dlieja de Moena. Pervia dla nvajion sovietica tla Slesia iel jit a sté a Ehrang dlongia Trier. L ann 1970 ti iel unì sëurandat la bedaia d'or per l artejanat artistich dal Guviern Federal Tudësch.