Francesco Ferdinando Rizzi

Francesco Ferdinando Rizzi ie nasciù a Ciampedel y svilupea bele da pitl insù la pascion per l dessëni, la caricatura y la pitura. Do de gran deficulteies finanzieles al pudù jì per n ann tla Staatsgewerbeschule de Dispruch. Stajan sëura l'ega via cun retrac y decurazions al mparà te scoles de dessëni y academies de Minca y Praga. Ala fin iel inò ruvà de reviers te Fascia, ulache l se à dat ju cun pitures de paesajes da mont. Ntan la Prima viera iel unì mandà a fé l pitёur de viera. Plu inant iel jit a sté ti paejes tudësc, tl prim a Berchtesgaden y daldò a Minca. Ntan la Segonda viera mundiela al fat da pitёur de viera y à documentà la cundizions de vita di saudeies te n spedel militer a Minca.