Tita Pederiva

Tita Pederiva nce cunesciù coche Giovanni Battista Pederiva fova n scultëur da n gran talënt. Do vester jit ala Scola d’ert te Sëlva al prësc do scumencià a se dé ju cun l ziplé tl lën. Lauran tl prim tl ciamp religëus iel tosc do jit via sun la realisazion de scultures figuratives dla jënt dl post. Pederiva ti dà a si scultures na esprescion viva che scuend suvënz vel’ mister y reprejënta la richëza y i valores umans dla jënt de si ncësa. Tres si sensibltà y si umiltà ma sambën nce si usservazions a puntin dla persones iel bon de ti dé ite carateristiches persuneles y n spirt unich ala scultures. Si talënt vën recunesciù oradecà, ulache l à l ucajion de mustré si scultures te n valguna mostres persuneles y nce deberieda cun d'autri artisć, zënza mei avëi abù la prescion de messëi se cruzië plu de tant per l cumerz de si opres.