Egon Moroder Rusina

Egon Moroder Rusina ie n artist cunesciù per si pitures y si ilustrazions, ma nce per si performance. L à fat la Scola d’ert a Urtijëi y pona l’Academia a Firenze dal 1967-68. Do i ani de stude al metù a jì truepa mostres sperimenteles y nstalazions cun la Lia Mostra d’Ert - Circolo a Urtijëi, coche p.ej. la mostra MAMALEEG cun ert cinetica y mujiga eletronica, mudan - deberieda cun d’autri - l urientamënt culturel dla lia. Tl repertoire de Egon Rusina iel nce opres erotiches, satiriches y opres cun tematiches da mont. Si caricatures satiriches ie unides publichedes danter l auter tl Brunsin, tla FF y tl liber che l à dat ora cun l artist Markus Schenk. Al didancuei depënj Egon Rusina dantaldut pitures astrates che ie ispiredes dala natura o dala filosofia urientela.