Giuseppe Ghedina

Bele da jëun à l fotograf Giuseppe Ghedina Basillo Eccelle desmustrà si talënt tl dessenië tl Istitut statel d’ert a Cortina. Nce tl sport al arjont de bon resultac: a pudejé iel ruvà diescejim pra la Olimpiades de Chamonix (1924). L ie nce jit a crëp giaurian vies nueves. Apasciunà de fotografia de crëps y de paesajes al dedicà gran pert de si vita a fotografé la croda y ti la fé cunëscer a dut l mond. Tl 1942 iel unì premià cun la Crëusc al merit de Viera coche fotograf y registradëur sun la front de viera danter la Grecia y l’Albania. L C.O.N.I. l à premià tl 1950 cun la Bedaia d’or per si atività coche cine-uperadëur sportif. Tl 1953 al cunlaurà cun Luis Trenker per la realisazion dl film Arditi della roccia. Passa n dejené alalongia se al dat ju cun l’aministrazion cumenela.