Franz Tavella

Franz Tavella á metü man da lauré sciöche tistler y zumpradú. Do avëi descurí so talënt por la scoltöra él jü tl’Academia de Beles Erts a Viena. Sües scoltöres é gnüdes premiades cun pröms pesć te esposiziuns a Desproch y Balsan. Por l’Esposiziun Universala da Paris tl 1900 él gnü inciarié da realisé na Pieté te na grandëza naturala, che é ciamó aldedaincö da odëi tla capela dla cortina da Porsenú. Te Gherdëna manajâ Tavella na süa botëga y al insignâ tla Scora d’Ert. Dedô ál trasferí so atelier a Porsenú, olache al á tres indô ciafé inciaries importantes dal clerus. Al é mort tl 1931 a Porsenú.