Janmatî Declara
Janmatî Declara á studié Filosofia a Trënt. Do avëi stlüt jö i stüdi tl Seminar da Porsenú él gnü consacré prou. Declara é öna dles personalités dla Val Badia plü importantes dla secunda pert dl 1800, suradöt por ci che reverda le lingaz y la cultura ladina. Süa opera tol ite rimes y traduziuns liades al ambiënt eclesiastich – importanta é la traduziun dla storia de Santa Genofefa sciöche pröm liber stampé por ladin – sciöche ince prosa profana y cunties. Al é mort tl 1884 a La Pli de Mareo, olach’al ê degan y ispetur scolastich.
Janmatî Declara
Moling Marianna in Spessa
Se l’ega salta allegra
Inanter so canal
Se godra bella segra
A degungn’ i fesc’ la mal
Allegra siste tou
De bona vouia assà
Bell vire arrast’ ingsou
E i allegri, chi’è amà
Mo ciara, ch’l allegria
Ne passe via ‘l zil
Che spo t’ diʒessung ria,
Foss’ fora spo la mil
J. Declara, Sonetti per scolari che hanno recitato la Dottrina in ladino, 1860–1867, La Valle
R. Bernardi, P.Videsott, 2014, Geschichte der ladinischen Literatur; bu,press, Bolzano