Luis Trenker

Luis Trenker ie stat n mëinacrëp, n alpinist, n regist y n atëur de films da mont. L studium de architetura a Viena y a Graz ie unì partì su te doi pertes per gauja dla Prima gran viera, pra chëla che l à nce messù fé pea. I films de Luis Trenker ie caraterisei da n gran pathos y da n spirt de ntujiasm eroich. Danter si truep films iel da auzé ora Berge in Flammen, Der verlorene Sohn y Condottieri. Per realisé i films al abù relazions de lëur y de cunvenienza cun l regim nazionalsozialist y fascist. Do la Segonda gran viera se al plutosc dedicà a scrì libri de lecorc y da mont. Scialdi cunesciù iel ti paejes tudësc per la trasmiscions tla televijion, te chëles che l cuntova de si esperienzes de vita.