Dominic Vinazer

Coche si fra Martin toca nce Dominic Vinazer pra chëla prima generazion de scultëures de Gherdëina che se à fat n inuem dalonc, sëura la valeda ora. A studië iel jit a Unieja, ma do l 1689 laurovel n gran pert inò te Gherdëina, ulache l à metù su na berstot deberieda cun si fra Martin. L autere a S. Urban a S. Madalena sëura Rentsch (1707) mostra tl’eleganza dla figures y tla proporzions armuniëuses l nflus uniejan. Danter i lëures de majera mpurtanza de Dominic Vinazer iel l autere dedicà a S. Miculau a Albions, fat tl 1720.