Iaco Zanusi Januc

Giacomo (o Jacob) Zanusi, nasciù a Ornela, à mparà a depënjer da Giuseppe Alberti tla Val de Flëm y povester nce a Unieja. Do avëi stlut ju si furmazion coche Mahler Prinz iel jit a lauré tla berstot de Martin Schaumberger a Salzburg. Plu tert à Anton Graf Wagenspert, l prinz vëscul de Seckau, tëut su Zanusi coche depenjadëur de chëurt. L artist cun ravises fedomes che depenjova cun n stil dla Talia dl nord, cun figures fines y na desferenziazion tlera dl colorit, à giapà da depënjer truep auteresc, tant che al didancuei pudons ti assenië bën 240 pitures. N valgunes de si tofles d’autere possen amiré a Arco, a Mondsee, a Rattenberg y a Maria Kirchental. L lëur plu mpurtant de Zanusi ie la tofla d’autere tla dlieja de Gnigl (za. 1735).