Lois Irsara

Lois Irsara á studié pitöra tla Scora d’ert Colombo a Milan. Al á adoré les tecniches plü desvalies por realisé retrac y depënc de porsones, düc dër espressifs. Chëstes operes rapresentëia les porsones te situaziuns de vita desfarëntes. Les natöres mortes, les imajes de ciüfs y de contrades rapresentëia deperpo l’ambiënt olach’an incunta chëstes porsones. Al á tigní cursc de pitöra, cun chi ch’al á cherié na bona basa por le svilup dl’ativité artistica tla valada. Al é mort tl 2014 a Badia.