Aron Demetz
Aron Demetz ie n scultëur de Gherdëina. L à fat la Scola d’ert te Sëlva y pona l’Academia a Nürnberg. Do l stude al fat pea pra truepa mostres coletives y ndividueles tl’Europa, Asia y America. Pra la Bienela de Unieja tl 2009 al metù ora plu scultures. Tl 2010 iel unì numinà prufessëur dl’Academia a Carrara. Aron Demetz se dà ju dantaldut cun la figura umana te duta si sfumadures. L lëura scialdi cun l lën, ma nce cun l bront, l miermul y la scipa. Vel’ scultura ie laureda ora cun reja, d’autres ie brujedes cun fuech.
