Tresl Gruber

Tresl (Theresia) Gruber à fat la scola auta a Unieja y à studià inant tl’Academies de Firenze y de Unieja. Da jëuna ala cunesciù l moler Gustav Jahn che univa suvënz te Gherdëina a depënjer. La ie stata una dla prima maestres de dessëni dla valedes ladines. La à nsenià a Urtijëi, a Maran, a Bulsan y a Belém tl Brasil, ulache la à metù su na scola de dessëni. Tresl Gruber ie nce stata una dla prima ëiles che se à bele ti ani 1930 – 1940 batù dassënn per varenté y svilupé la rujeneda ladina. La à scrit i prim libri de scola per gherdëina danter l 1945 y l 1960 coche Mi fibla, Ciofs ladins y n cudejel d’ortografia per nsenianc dla scoles de Gherdëina Ladinische Schulschreibung. Sëuraprò à Tresl Gruber scrit truep articuli per l Calënder de Gherdëina.