Luigi Demattia de Noè

Seniëur Luigi Demattia ie nasciù a Salejei y fova n preve y n cumpositëur. Tla storia dla mujiga de dlieja ie Demattia stat un di gran cumponisć dl 19ejim secul, da pudëi paredlé cun Palestrina, Haller o Mitterer. Te si opus iel 5 mësses urdineres y da mort, 65 ofertories, 15 graduei, 12 anmaries, 7 antifones marianes, 15 tantum ergo, 36 inns, 7 motec, 2 bespres, 4 tanies y truep d‘auter. Si cumposizions scrijovel per latin, per cores de ëi y per cores mescedei, a doi, a cater y a sies ujes, cun orgun o cun urchestra. Vel’ cumposizion ie nce scrita per tudësch o per talian. Na pert de si mujiga ie unida publicheda a Regensburg.