Otto Irsara

Otto Irsara á fat la Scora d’ert de Sëlva y dedô ál lauré por tröc agn tla Germania y tla Gran Bretagna, denanco rové indô zoruch tla valada tl mëteman di agn Setanta. Le material plü adoré é resté le lignan, ince sc’al á porvé fora la tecnica dl brom. So lian cun Lois Irsara l’á porté a se dediché ala pitöra y al dessëgn. Sües prömes operes é influenzades dal naturalism, spo él jü inant tres deplü devers de na renunzia di detais, ti don insciö na forza plastica nöia ales surasperses. Le tema zentral de sües operes é la vita da vignidé. Al é mort tl 2004 a La Ila.