Cyprian Pescosta
Do le ginase é Cyprian Pescosta sté tl seminar da Porsenú, olach’al é gnü consacré prou, vocaziun che l’á spo condüt a vire tla Val Badia, te Gherdëna, a Fodom, a Ampëz y te d’atres localités de Südtirol. Al é mort tl 1889 a Arnpurch (Ehrenburg). Tl 1846 á Pescosta metü sö y spo manajé l’Istitut d’Ert a Cortina d’Ampëz. Al n’é nia ma sté poet y scritur de prosa, mo ince n depenjadú da talënt apascioné. Tröpes de sües operes é coiüdes adöm sot ala denominaziun Album Nr. 15273 tla biblioteca dl convënt de Neustift.
Canzone degli Schützen dei ladini
Sö mituns, toless’la tascia,
stlop y polver y na flascia
d’ega d’vita y d’bun vin,
marsc bel snel it’ al confin!
Lotri da Ćiadura ia
y chi d’Agort ne dá tria,
chi de Sëlva y Pescü.
Jide a i dè un brao pé tl cü!
Ćiara mo cotagn che salta,
ćina l’moler da Castalta,
da Corvara infin Marô
scizri assá con so bun prô.
Śëgn, Lomberć, rendess’ atira
che scenò alzuns’ la mira
con nosc stuz! Oh arfamá,
coretésse al favá!
Nosc ćiapel dala cocarda
ghel-foscia y blanćia-vërda
alt in aria, y n cigun:
un Lombert che stlopetun!
Fòra spo, mituns, la flascia,
fòra d’osta bela tascia!
Viva, viva, Ferdinand,
viva nosc Tirolerland!
R. Bernardi, P.Videsott, 2014, Geschichte der ladinischen Literatur; bu,press, Bolzano