Felix Dapoz

Felix Dapoz á fat süa formaziun da maester a Maran. Al á spo passé n tëmp a Viena, studian musiga sacrala. Al é sté maester dantadöt a Toblach, olach’al é sté ince dirighënt dl cor de dlijia y organist, ativité che á influenzé dassënn la musicalité de süa lirica. Cun la poetica de Dapoz rovunse pro la lirica ladina moderna. Tl 1982 ál publiché so liber In banun. Süa opera é da ciafé tl’antologia L’opera poetica de Felix Dapoz (2009). Les composiziuns musicales é na pert importanta de süa produziun artistica.