Anastasia Kostner

Anastasia Kostner ie na balarina, coreografa y rolfer cualificheda. La à studià Performance y Movement Essentials tl IDA a Linz, Dance In Community a London y bal cuntemporan (Ma CoDe) a Frankfurt am Main. La à balà te de plu produzions de bal danter chëles cun Martina Marini, Roberto Castello, Les Gents D’Uterpan, VBB, Thierry De Mey y d’autri. Pervia de si pascion per formes d’ert interdisciplineres ala fat plu cunlaurazions p.ej. cun la pianista Belle Chen, cun l’artista visuela Irma de Vries y cun la grupa de bal-teater taliana Tanzschmiede/Fucinadanza. La opres de Anastasia Kostner ie unides prejentedes pra de plu festival tl’Europa y tl'America. Si prima creazion à giapà l pest Italian Anticorpi XL per i miëur coreografs jëuni. Anastasia à nce nsenià pra la HfMDK a Frankfurt, KNUA tla Korea, te plu istituc de mujiga tla Talia y Svizera, tla British School of Amsterdam, tla Community Dance Academy y te de plu zëntri de Yoga y Nrescida empirica (SCO) ti Paejes Basc y tla Nghiltiera.