Zënza sëida

Zënza sëida ie na lia zënza fin de davani che à l travert de cunlië la cultura cuntemporana cun l publich. La lia se mpënia a crië, a valorisé y a fé cunëscer l'ert cuntemporana, che vën ududa dala lia coche ngredient fundamentel per crëscer y se svilupé inant. La scumenciadives dla lia ne n’ie nia mé strëntes ite a n publich spezifich, ma a duc i nteressei y sustenidëures da tlo y da oradecà. La lia se mpënia a fé cunëscer duta la formes de ert cuntemporana, cunlian posizions defrëntes – da chëles tradiziuneles a chëles nia propi artistiches – per legitimé stredes nueves tla sperimentazion y produzion artistica. N’autra finalità dla lia ie de fé unì su n descurs teorich per ti dé n mpuls ala creatività y al nteletuel y per descedé la cuscienza de sistems culturei y pruzesc sozio-politics. N auter travert ie de studië y mëter n descuscion liams danter la jënt y la formes visueles y cultureles tipiches de si raion ntëurvia.