Jusepe Ghedina Tomasc

Jusepe Ghedina Tomasc fova n pitëur ampezan istruì a Unieja, ulache l ie unì unerà cun plu pesć per si talënt. Cun si pitures a frësch à Ghedina abelì truepa dliejes tl raion ampezan, ma nce tla provinzies de Vicenza, Pordenone, Udine y Unieja. Tl ann 1896 iel deventà cumëmber dl’Academia de Unieja y ciavalier dla Curona dla Talia. Deberieda cun si fredesc al depënt la Ciasa dei Pupe te Ampëz, n gran depënt che mostra su si amor per la jënt y la cultura ladina ampezana.