Modesto y Ugo Demenego

Modesto y Ugo Demenego, de sëurainuem Kaiser, fova artisć dl ram, dl arjënt, dl fier batù y laurà y ëi fova cunesciui su per i ani caranta. I fova fions de na familia de artejans che ova mparà chësc ert tla scola de filigrana a Cortina. Scumencian cun la produzion de pitli ogec iesi man man jic via sun la realisazion de majeri lëures artejanei che ie al didancuei metui ora tl Museo de ra Regole. Per ne unì nia cupiei da d‘autri firmovi y datova si opres cun l sëni MUDemenego. Si creazions ie de gran marueia y plëines d'ideies, propi per si gran fantasia de design. Nteressanta ie la culezion de scultures de nsec y retii (chëifri, mosces, lingioles, beches y aranies).