Martin Vinazer

Martin Vinazer ie stat n scultëur de Gherdëina che ie unit ora dla familia di artisć cunesciui Vinazer. Chësta dinastia de artisć, do chëla di Trebinger, à senià la fundamënta dl ziplé tl lën te Gherdëina. Martin, l mut plu jëun de Melchior Vinazer, ie nasciù sa Pescosta a Urtijëi. L à mparà a ziplé da si fra Baldasar. Ot ani ala longia iel stat a mparé a Unieja y a Roma. Deberieda cun l fra Dominic (1666–1736) à Martin Vinazer ziplà auteresc a Bulsan y tla Val dl Isarch. Si opres ie da udëi tl Museum Gherdëina, tl Museum de Tluses, tl Museum Diozesan de Persenon y tl Österreichisches Museum für Volkskunde a Viena. D’autri lëures ie metui ora p.ej. tla dlieja Mariaheimweg a Bulsan y tla dliejes de Ciastel, Tluses y S. Piere.