Giorgio Moroder
Giorgio Moroder ie n cumponist, produtëur discografich y disc-jockey. L ie cunesciù a livel nternaziunel per l’adurvanza dl sintetisadëur y per si culones sonores. L vën cunscidrà un di musizisć plu inuvatifs y da suzes tl ciamp dla mujiga eletronica y dla mujiga disco. Te si cariera al cunlaurà cun musizisć scialdi cunesciui coche Barbra Streisand, Britney Spears, Chaka Khan, Donna Summer, Janet Jackson, Nina Hagen, i Sparks, David Bowie, Freddie Mercury y i Daft Punk. L ie unì premià cun truep pesć de gran mpurtanza: Oscar per The Chase dal film Fuga di mezzanotte (1979), Oscar per Flashdance... What a Feeling (1984), l pest Bambi (1984 y 1988), Oscar per Take My Breath Away dal film Top Gun (1987), Grammy Awards 1998 per Carry On cun Donna Summer y l World Soundtrack Lifetime Achievement Award tl 2011.
