Acajo

La grupa Acajo fova tl prim metuda adum da trëi jëuni de Gherdëina: Raimond Irsara (chitara, usc, saxofon sopran y tenor, armonica da bocia), Walti Moroder (tlavir, usc, chitara) y Leander Moroder (usc, chitara). Tl 1991 à Leander Moroder lascià y l ie unit leprò Viktor Canins (contrabas, usc), Georg Malfertheiner (bateria, percuscion, tlavir, usc) y Hansjörg Kostner (usc, chitara). La grupa à svilupà n stil de mujiga che va sëura pop/rock o folclor ora. La mujiga se basa sun na cultura universela, scebën che l vën adurvà la rujeneda dl’oma ladina. L vën tratà tematiches d’uni sort coche l ambient, l amor, la viera, la mort, la vita da uni di. La grupa à nce dat ora plu CDs: Aldidancuei (1992), Di pa pu (1997) y Mumënc (2005).