Angelo Trebo
Angelo Trebo é n personaje tle dla leteratöra ladina, un di pröms poec ladins che á scrit cun l’intenziun da fá leteratöra. Sües composiziuns ne n’é insciö nia plü les mëndres rimes por ocajiuns, mo componimënc caraterisá da tematiches dl Romantizism sciöche la mort, le dolur, la natöra, la surité y l’amur. Al é mort cun 26 agn de puntes, tl 1888, denanco ester bun da stlüje jö sü stüdi por deventé insegnant. Al nes á lascé zoruch 27 rimes y dui toc de teater, Le ciastel dles stries y Le scioz da San Jênn.
Ala net
Net tan dejidrada, vi!
Vi, o regno scür dai semi!
Vi con töa pêsc dal ci!
Tèmo sö te tü bi gremi!
Stopa con to velo grisc
düć chisc gragn tormonć dla vita!
Pôrtemo t’en bel paîsc,
co ligrëzes inće pîta!
Döt le bel spo ôi somié;
da zacan spo les ligrëzes
dötes ôi alerch cherdé,
desmonćé m’ôi les tristëzes.
A.Trebo, 1988, Poesíes, Helga Dorsch-Craffonara
R. Bernardi, P.Videsott, 2014, Geschichte der ladinischen Literatur; bu,press, Bolzano