Gustav Willeit
Gustav Willeit á fat sü stüdi tla Scora d’ert y design F+F a Turic y s’á spezialisé tla fotografia, che é resté so meso d’espresciun prinzipal. I temesc ch’al afrontëia te sü retrac é ambiënc isolá dales prospetives chirides, döt cant fat ia te n’atmosfera scöra, gonot cun n cil plëgn de niores. I paesaji pé incontaminá – na realté imensa y sublima. Al vir y laora a La Ila.
